யாழ்ப்பாணக் குடாநாட்டில் ஏற்பட்டுள்ள குடிதண்ணீர்ப் பிரச்சினைக்கு தீர்த்துவைக்கும் முகமாக ஏற்படுத்தப்பட்டுள்ள மாற்றுக் குடிநீர்த் திட்டத்திற்க்கான வேலைகள் எதிர்வரும் 30ம் திகதி ஆரம்பிக்கப்படவுள்ளன.
குறித்த வேலைத்திட்டத்தை ஜனாதிபதி மைத்திரிபால சிறிசேன அவர்கள் ஆரம்பித்து வைக்கவுள்ளார்.
2018 ம் ஆண்டு ஓகஸ்ட் மாதம் ஆரம்பித்து இந்த வருடம் ஓகஸ்ட் மாதம் நிறைவு செய்யப்படவேண்டிய இத் திட்டம் வன உயிரிகள் திணைக்களத்தின் தலையீடு காரணமாக ஓராண்டு தாமதமாக ஆரம்பிக்கப்பட்டுள்ளன.
நாட்டிற்காக ஒன்றினைவோம் செயற்திட்டத்தின் மூலமாக ஜனாதிபதி அவர்களால் இவ் குடிநீர் திட்டப் பணிகள் நடைமுறைப்படுத்தப்படவுள்ளன.
யாழ்ப்பாண மாவட்டத்தில் குடிதண்ணீர்ப் பிரச்சினை நீண்ட காலமாக அனைவராலும் கவனத்தில்கொள்ளப்பட்ட ஒரு விடயமாகும்.அதற்குப் பல்வேறு தீர்வுகளும் முன்வைக்கப்பட்டன.
இரணைமடுவிலிருந்து குடிதண்ணீரைக் கொண்டு வருதல், வடமராட்சி கிழக்கிலிருந்து கடல் நீரை நன்னீராக்குதல் உள்ளிட்ட பல்வேறு திட்டங்கள முன்மொழியப்பட்டபோதும், அதிலுள்ள அரசியல் இழுபறிகள் காரணமாக எந்தவொரு திட்டமும் இன்னும் நடைமுறைப்படுத்தப்படவில்லை என்பது மனவருத்தமான விடயமாகும்.
இந் நிலையில் ‘மாற்றுக் குடிநீர்த் திட்டம்’ என்ற தொனிப்பொருளில் வடமராட்சி நீரேரியில் உள்ள நீரை குளத்தில் தேக்கி விநியோகிக்கும் திட்டம் தயாரிக்கப்பட்டது.
2 ஆயிரம் மில்லியன் ரூபா செலவில் இந்தத் திட்டம் நடைமுறைப்படுத்தப்பட உள்ளமை குறிப்பிடத்தக்கது.
Hello, my name is Jack Sparrow. I'm a 50 year old self-employed Pirate from the Caribbean.
No comments:
Post a Comment